Një 41-vjeçar, banues në Korçë, është arrestuar nga policia këtë të mërkurë për veprën penale “Dhuna në familje”.
Dyshohet se ky shtetas ka ushtruar dhunë fizike dhe psikologjike ndaj nënës së tij.
“Specialistët për Hetimin e Krimeve të Komisariatit të Policisë Korçë arrestuan në flagrancë shtetasin E. L., 41 vjeç, banues në Korçë, për veprën penale “Dhuna në familje”, pasi dyshohet se ka ushtruar dhunë fizike dhe psikologjike ndaj nënës së tij”, bën me dije policia.
Po ashtu specialistët për Hetimin e Krimeve të Komisariatit të Policisë Pogradec proceduan në gjendje të lirë për shtetasin Z. B., 66 vjeç, pasi dyshohet se ka ushtruar dhunë psikologjike ndaj bashkëshortes së tij.
‘Specialistët për Hetimin e Krimeve të Komisariatit të Policisë Pogradec referuan materialet në Prokurori dhe filloi procedimi penal në gjendje të lirë për shtetasin Z. B., 66 vjeç, banues në Pogradec, për veprën penale “Dhuna në familje”, pasi dyshohet se ka ushtruar dhunë psikologjike ndaj bashkëshortes së tij”, njofton policia.
