Kryetari i Grupit Parlamentar të Partisë Socialiste, Taulant Balla bëri me dije se se mocioni me debat i opozitës dhe kryeministrit Edi Rama do të zhvillohet në një nga të enjtet e ardhshme.
Balla sqaroi se i pranishëm do të jetë edhe kryeministri Edi Rama, ndërsa shtoi se ditën e sotme nuk do të jetë i pranishëm për shkak të një vizite të rëndësishme të homologut të tij bavarez, Markus Söder.
Balla: “Ju e dini që ka patur një kërkesë nga ana e deputetëve të opozitës, lidhur me pretendimin se Nikolla paska shkelur rregulloren dhe kushtetutën. Këshilli i legjislacionit ka bërë verifikimin e vet dhe raporti është gati, ku konkludohet se kryetarja e Kuvendit ka respektuar rregulloren. Në datën 16 kuvendi në mënyrë unanime do të votojë kundër kësaj kërkese. Sot janë të tretat e dështimit të revolucionit dhe do të keni parasysh që do të ketë edhe një, nuk e dimë se për çfarë arsye duhet protestuar para Kuvendit të Shqipërisë.
Në përfundim të mbledhjes së konferencës së kryetarëve kemi miratuar që të zhvillohet seanca mocion me debat. Siç ju informova, kemi miratuar zhvillimin me mocion me debat brenda 30 ditëve. Që mocioni me debat të zhvillohet, duhet të ulet Alibeaj dhe Doda bashkë me mua që të përcaktojmë edhe kushtet. Propozova 12 orë për mocion me debat. Na duhet të jemi dakord për këtë. Në një nga të enjtet që vjen do ta diskutojmë këtë. Kemi përcaktuar kohën më të madhe për debat.Sot mirëpresim një mi të rëndësishëm që viziton Shqipërinë. Seanca e sotme ka të bëjë me kohë që iu jepet deputetëve Grupi i PS, në orën 17:00 kuvendi do të mbajë një minutë heshtje në respekt të viktimave që kanë humbur jetën në Turqi dhe Siri pas tërmetit shkatërrimtar.Do të njihemi me një deklaratë të grave deputete.”
Pyetje: Akuzat e Berishës?
Balla: Kam një reagim ditën e enjte në orën 9 zhvillohet seanca e parë në SPAK dhe ky zotëria nëse i qëndron akuzave do të vijë në seancë gjyqësore.
Pyetje: Nëse opozita bllokon foltoren?
Balla: Për çdo deputet që bllokon foltoren rregullorja është e qartë: Do të përjashtohet nga Kuvendi, të paktën për 10 ditë. Asnjë nga deputetët nuk ka patur mundësi që të marrë fjalën nga foltorja e Kuvendit.
