Kylian Mbappe rikthehet në stërvitje dhe duket se ia ka dalë mbanë të jetë gati për ndeshjen e parë të 1/8 të UEFA Champions League kundër Bayern Munchen që do të luhet nesër në “Parc de Princes”.
Sulmuesi francez që është edhe kolona e sulmit të kampionëve të Ligue 1, u bashkua me grupin e drejtuar nga Galtier në seancën e fundit përpara ndeshjes. Ai ka qëndruar në infermieri për pothuajse 3 javë dhe shpresat për një rikuperim të mundshëm ishin të vogla.
Në konferencën e shtypit, trajneri Galtier nuk pranoi të jepte informacion nëse numri 7 do të aktivizohet që nga minuta e parë. Një tjetër rikthim i rëndësishëm është edhe Lionel Messi që mesa duket është rikuperuar nga dëmtimi i pësuar në Kupën e Francës kundër Marseille.
