Një ditë pas protestës së organizuar përpara kryeministrisë, kandidati për Bashkinë Kuçovë, Lefter Maliqi përmes një statusi në Facebook, u kthen përgjigje të gjithë skeptikëve që sipas tij prisnin rrëzimin e qeverisë.
Sipas Maliqit, protesta e djeshme e datës 11, ishte për të dhënë mesazhin e vazhdueshmërisë së tyre në ditët në vijim.
Maliqi thotë se opozita do të vijojë betejën e saj në rrugë deri në rrëzimin e qeverisë Rama, për të cilën ai thotë se është e korruptuar, ndërsa shton se detyra e PD-së në këto momebte është shumfishimi.
Deklarata
Sqarim dhe reagim kundrejt disa mesazheve nga demokratë e opozitarë, të cilët më shkruajnë rreth pakënaqësive kundrejt protestës së djeshme nga e cila prisnin rrëzimin e qeverisë. Të dashur demokratë e opozitarë, protesta e djeshme dha mesazhin e vazhdueshmerisë së protestave dhe qendresës opozitare, deri në rrëzimin e qeverisë me votë të lirë e demokratike. Mos harroni se Partia Demokratike dhe Opozita është jashtë sistemit, pa asnjë bashki e institucion. Detyra jonë mbetet shumëfishimi i forcave në fushatën lokale për fitoren e Bashkive, duke u futur në sistem dhe vazhdimin e betejës para Zgjedhjeve Lokale 2023 dhe shumë më fortë dhe më të organizuar edhe pas fitores së Bashkive nga Veriu në Jug, duke u mobilizuar me protesta masive të mirë organizuara nga PD ,Opozita e Bashkuar dhe Bashkitë fituese deri në zgjedhjet e parakohëshme. Mirënjohje çdo demokrati, opozitari dhe qytetari që po sakrifikon me pjesëmarrjen e tij në çdo proteste! Revolucioni demokratik nuk kryhet brenda ditës por me afate e objektiva të cilat do i fitojmë së bashku! Protestat vazhdojnë më fortë se kurrë .Mirenjohje dhe fitore!
