Banorët e Bërxullës kanë vijuar dhe këtë të dielë protestën,duke kërkuar vlerësimin e pronave. Punimet e koncesionarit në Thumanë – Kashar sipas tyre po vijojnë , ndërkohë ata kanë thënë se nuk do të tërhiqen dhe se do të rezistojnë deri në ditën e fundit të jetës.
“Na vrisni, por ne nuk tërhiqemi”. Më këto thirrje banorët e Bërxullës kërkojnë dëmshpërblim për pronat e tyre, të cilat preken nga ndërtimi i autostradës Thumanë – Kashar.
Në fjalën e tyre, ata janë shprehur se nuk do të ndalen dhe do të vijojnë protestat deri në vetëflijim.Banorët e cilësojnë projektin si abuziv e të pa studiuar.
Komuniteti i banorëve të fshatit Bërxullë, vendosi që këtë të diel të mos e agravojë protestën në nderim të viktimave nga tërmeti shkatërrimtar në Turqi dhe Siri.
