Një protestë ndryshe kanë zhvilluar sot banorët e Bërxullës duke u sensibilizuar me viktimat e tërmetit në Turqi dhe Siri.
Ata kanë vendosur që sot të protestojnë paqëssht kundër projektit Thumanë-Kashar, ku protet të shemben 22 banesa ndërsa ata janë shprehur se mungon transparenca.
“Po protestojmë mbi 4 muaj e gjysmë. Ne si cdo të dielë jemi në protestë, por sot solidarizohemi me popullin turk dhe sirian. Çfarë ka ikur nuk kthehet më. Dyert tona janë të hapura. Ndaj ndajmë dhimbjen dhe i bashkohemi këtij populli që vuan. Por ajo dhimbje ishte nga fatkeqësia natyrore. Këtu në Shqipëri fatkeqësitë natyrore po i shkaktojnë politikanët. I bëjmë thirrje që mos shkaktojnë fatkeqësi. Ne nuk tërhiqemi sepse pronat nuk i kemi të vjedhura siç i keni ju. Boll keni vjedhur. Nuk jeni të ngopur me këto fshatrat turistik? Jo të vidhni pronën e fshatit Bërxullë për të bërë vila për shoqet dhe të dashurat e politikanë, siç po dalin një nga një”, tha banori.
Banorët e Thumanës po vijojnë prej 3 muajsh protestën duke kërkuar vlerësimin e pronave të tyre. Ato kanë deklaruar se nuk janë kundër projektit, por duan që shpronësimeve duhet të jetë me çmimin e tregut, pra rreth 50 euro jo me 3 euro të ofruara nga koncesionari.
“Bëj thirrje institucioneve, mos shkaktoni trazira sapo fatkeqësi. Ne nuk tërhiqemi se nuk i kemi të vjedhura si, ju, nuk janë prona të zaptuara, por të trashëguara me certifikata. Hiquni nga gllabërimi i pronave të shqiptarëve. Nuk jeni ngopur me kodra male e fshatra turistikë që keni vjedhur.
Nëse do kishte një rast fatkeqësie do ndanim fatkeqësinë me ju, por jo të na i rrëmbeni ne e të ndërtoni shtëpi për dashnoret siç po dalin çdo ditë. Ne i kemi pronat në përdorim dhe nuk kemi lekë të djegim nëpër oxhaqe siç i gjenden pastrueseve sot. Na vlerësoni pronat dhe nuk do ketë asnjë përplasje me policinë apo protesta.
Punimet e koncesionarit vijojnë me ritme të larta. Vetëm në fshatin Bërxullë ku kemi kërkuar të drejtat tona janë pezulluar. Nuk kanë asnjë leje ndërtimi. Aty ku kanë ndërtuar kanë përdorur mashtrim, noterë e sekserë. Në Bërxullë nuk kanë shanse. Ose të na vrasin ose ne nuk tërhiqemi kurrë”, ka deklaruara njëri prej banorëve.
