Partia Demokratike ka thirrur mesditën e sotme protestë para kryeministrisë.
Kryedemokrati Sali Berisha ka mbërritur në zyrën e tij në selinë blu, i rrethuar nga qindra simpatizantë duke e pritur me brohoritje dhe me pankarta në duar.
Por njëri nga protestuesit shfaqet me një pankartë, e cila kishte të paraqitur kryeministrin Rama pas hekurave teksa shkruhej “Nëse drejtësia do të funksiononte”.
Partia Demokratike ka thënë se protesta do të jetë masive, madje në një letër drejtuar policisë së Tiranës, flitej për rreth 100 mijë protestues. Një pjesë e tyre do të jenë para selisë së PD-së, të cilët do të shoqërojnë kreun demokrat Sali Berisha drejt selisë së Kryeministrisë. Policia e Shtetit ka mobilizuar rreth 1200 efektivë për mbarëvajtjen e protestës së opozitës, e cila do të mbahet këtë të shtunë para Kryeminsitrisë.
