Ish-ministri i Drejtësisë, Ylli Manjani ironizon qëndrimet e disa diplomatëve amerikane kundër opozitës.
Në një postim në rrjetet sociale, Manjani shkruan se, “McGolja është prova e zvogëlimit politik të Amerikës para syve tanë”.
“Meqë ra fjala këta diplomatarucët e DASH ku janë që s’ndjehen më?! Se na mbinë në televizionet e Edi Ramës me intervista e deklarata palaçosh”, shton ai.
Reagimi
Në postimin në FB, Manjani shkruan:
Kishte kohë që Amerikën politike e shihnim të vogël, të rrudhur e meskine. Merrej me çdo budallëk të politikanëve tanë dhe na dukej e çuditshme.
Por ja, Mcgolja është prova e zvogëlimit politik të Amerikës para syve tanë.
Gjithë ajo Amerikë e madhe merrej me muhabete kafenesh shqiptare kundër një pensionisti politik këtu.
Zaten prandaj dhe e ndritën në Afganistan, Siri, Ukrainë e gjithandej. Se po merrshin me pensionistin Berishë, që ua serviri Mecgolja me lekët dhe për interesin e Edi Ramës.
Meqë ra fjala këta diplomatarucët e DASH ku janë që s’ndjehen më?! Se na mbinë në televizionet e Edi Ramës me intervista e deklarata palaçosh.
Ja përse nuk jepnin prova, se nuk kishin. Ç’të jepnin goglat e Mcgoles apo pordhët e Edinit?!
Shumë zhgënjim ishte kjo Amerikë politike.
Se do rrjeshtohej një Amerikë e madhe kundër një opozite politike në Shqipërinë e vogël, më keq akoma në favor të një rregjimi politik monist, nuk na e rrokte mendja.
