Në provincën e Hatay, një grua dhe foshnja e saj 10-ditëshe u nxorrën të gjallë nga rrënojat rreth katër ditë pas tërmetit (pas 90 orësh).
Sipas raporteve nga BBC , foshnja, e cila quhet Yagiz, u gjet e gjallë nga shpëtimtarët mes mbetjeve të një strukture në qytetin e Samandag.
Imazhi i djalit të vogël, i mbështjellë menjëherë me një batanije leshi dhe i transportuar në spital, u publikua në Twitter nga kryebashkiaku i Stambollit, Ekrem Imamoglu dhe bëri xhiron e botës.
Pak minuta më vonë, ekipet e urgjencës gjetën edhe nënën. Gjithashtu në provincën e Hatay, në rrethin e Antakyas, një vajzë dyvjeçare u nxor e gjallë nga rrënojat pas 122 orësh.
Ka nga 1000 deri në 5000 fëmijë të mbetur vetëm në Turqi – duke përfshirë jetimët dhe ata që ende kërkojnë prindërit e tyre. Numri i fëmijëve të mbetur pa familje po rritet në mënyrë dramatike.
Kur prindërit dërgohen në spital, shpesh ndodh që ata të mos mbijetojnë dhe kjo po ndodh në të gjitha krahinat”.
“Po punojmë me Ministrinë e Familjes dhe Çështjeve Sociale – nënvizon përfaqësuesja e Unicef-it – kemi krijuar një linjë emergjence, kur fëmijët gjenden në rrugë ose në spital ose pranë rrënojave punojmë për bashkimin familjar. . Ka shumë që kanë mundur të ribashkohen dhe kjo është pjesa pozitive e historisë”.
Mes tyre është edhe Elif 12 vjeçe, e cila humbi nënën dhe gjithë familjen e saj. Kur takoi gjyshen e saj të sëmurë 83-vjeçare, e cila jetonte në një qytet tjetër, i tha: “Gjyshe, mos u shqetëso, e di që është shumë e vështirë të jesh pa vajzën tënde të vogël, por tani jam këtu”.
“Ajo u përpoq të gëzonte gjyshen e saj – thotë përfaqësuesja e Unicef-it – se kishte humbur vajzën e saj, por për të ajo grua ishte nëna e saj. Ajo më preku mua, ajo ishte ndryshe nga vajzat e tjera”.
