Një ngjarje e pazakontë ka ndodhur në Greqi, ku një 40-vjeçar ka dhunuar gruan e tij për shkak të peshës së saj.
Mediat e huaja shkruajnë se, 39-vjeçarja ka njoftuar Policinë dhe është ankuar se bashkëshorti e ka ofenduar në mënyrë vulgare për peshën e saj, e ka quajtur “të padobishme” dhe e ka rrahur.
Ajo ka thyer televizorin nga nervat dhe më pas autori e ka shtyrë duke e bërë atë të humbasë ekuilibrin dhe të bjerë përtokë. Por, para se ajo të ngrihej, ai i kapi kokën dhe e përplasi vazhdimisht në dysheme!
40-vjeçari u arrestua por i mohoi akuzat duke pretenduar se ishte një sherr i thjeshtë. Ndërsa bashkëshortja e tij u shpreh se dëshiron që çështja të zgjidhet jashtë gjykatës me ndërmjetësim. Kështu, seanca u shty për të enjten e ardhshme, ndërsa 40-vjeçari u la i lirë.
Burimi: Protothema
