Një banesë njëkatëshe është përfshirë nga flakët këtë të Enjte, në Fushë-Krujë. Për pasojë, ka humbur jetën një i moshuar.
“Rreth orës 13:30, në lagjen ‘Punëtori’, dyshohet se për shkak të rrjedhjes së gazit nga një furnelë, ka rënë zjarr në banesën e shtetasit H. A., 92 vjeç, i cili për pasojë, ka humbur jetën”, njoftoi policia.
Grupi hetimor vijon punën për zbardhjen e plotë të rrethanave të kësaj ngjarjeje, shtuan të njëjtat burime.
I moshuari raportohet se ishte i sëmurë dhe nuk arriti të dilte jashtë banesës për ti shpëtuar flakëve. Për të kujdeseshin nipat, mirëpo në momentin e flakëve, nuk ndodheshin në banesë.
