Të tjera detaje janë zbardhur nga dhunimi i mjekes te Infektivi në QSUT-së, pasi një pacient ndërroi jetë në ambientet e këtij spitali.
Igli Spahija dhe Bledar Bali janë arrestuar, ndërsa tre të tjerë janë procedura penalisht. Ata akuzohen se kanë goditur me grushte mjeken me inicialet E.D.
Por familjarët e të ndjerit nuk janë mjaftuar vetëm kaq, por pasi kanë dhunuar mjeken dhe disa prej personelit mjekësor, ata kanë thyer edhe xhamat e spitalit.
Mësohet se të arrestuarit pas ngjarjes kanë shprehur pendesë për aktin. Ata pohuan se kishin qenë të dehur dhe të idhëruar për vdekjen e familjarit të tyre.
“Kemi qenë të dehur dhe të hidhëruar me lajmin për vdekjen e familjarit. Mjekja nuk u kujdes për të dhe kemi shumë rezerva për ekipin mjekësor.”, mësohet të jenë shprehur ata para policisë.
Ndërkohë që nesër pritet të jepet masa e sigurisë për ta.
