Shefi ekzekutiv i Disney, Bob Iger tha se ai do të shkurtojë 7.000 vende pune si pjesë e një plani për të kursyer 5.5 miliardë dollarë dhe për ta bërë shërbimin e tij të transmetimit Disney+ fitimprurës, pasi është vënë re një rënie e abonentëve që kur filloi shërbimin në 2019.
Duke komentuar shkurtimet e vendeve të punës, Iger tha: “Kam respekt dhe vlerësim të jashtëzakonshëm për talentin dhe përkushtimin e punonjësve tanë në mbarë botën, dhe jam i ndërgjegjshëm për ndikimin personal të këtyre ndryshimeve.” Ai tha se ndryshimet do të “na poziciononin më mirë për të përballuar përçarjet e ardhshme dhe sfidat ekonomike globale”.
Shkurtimet e vendeve të punës arrijnë në rreth 3.6% të fuqisë punëtore të Disney në mbarë botën. Disney+ raportoi një humbje prej 1.5 miliardë dollarësh dhe abonentët e saj ranë me rreth 2.4 milionë në 161.8 milionë. Plani do të shohë ristrukturimin e kompanisë në tre segmente, argëtim që do të përfshijë filmin, TV dhe transmetimin, si dhe Disney me fokus sportin.
