Një aksident me pasojë vdekjen ka ndodhur pasditen e sotme në Tiranë.
Policia bën me dije se një shofer 31-vjeçar humbi kontrollin e automjetit dhe për pasojë ka përplasur kalimtarin në rrugën “Tre Dëshmorët”. 69-vjeçari i aksidentuar nuk mundi që t’i përballonte plagët e marra duke ndërruar jetë.
”Më datë 09.02.2023, rreth orës 18:40, në rrugën “Tre Dëshmorët”, shtetasi L. L., 31 vjeç, duke drejtuar automjetin ka aksidentuar shtetasin A. Z., 69 vjeç, i cili si pasojë e aksidentit ka ndërruar jetë.”, njofton policia.
Grupi hetimor ndodhet në vendngjarje dhe po punon për sqarimin e rrethanave të aksidentit.
