Më shumë se 4,300 njerëz u vranë në të dyja anët e kufirit Turqi-Siri kur tërmeti me magnitudë 7.8 goditi Turqinë jugore në orët e para të së hënës, por pritet që numri fatkeqësisht të rritet.
Gjendja në Siri:
Të paktën 1,136 njerëz u vranë nga tërmeti, raportuan agjencitë shtetërore të lajmeve siriane, me frikën se më shumë mbeten të varrosur brenda rrënojave. Pjesa më e madhe e Sirisë veriperëndimore, e cila kufizohet me Turqinë, kontrollohet nga rebelët dhe agjencitë e ndihmës paralajmërojnë për një krizë akute humanitare që ka të ngjarë të ndihet për muajt e ardhshëm.
Koordinatori humanitar i OKB-së në Siri, El-Mostafa Benlamlih, i tha CNN se misioni i kërkim-shpëtimit po pengohej nga mungesa e pajisjeve dhe makinerive të rënda. Ai tha se rezervat e OKB-së janë shpërndarë dhe nevojiten më shumë ilaçe dhe pajisje mjekësore, dhe veçanërisht ujë të freskët ose mjete për të riparuar rezervuarët e dëmtuar të ujit.
Spitalet në vend janë të mbingarkuar pasi viktimat kërkojnë ndihmë, me disa objekte të dëmtuara nga tërmeti. Dhe ka shqetësim të veçantë për përhapjen e sëmundjes, veçanërisht në mesin e fëmijëve, të cilët tashmë jetonin në vështirësi ekstreme. Ky dimër kishte qenë veçanërisht i ashpër për shkak të kushteve të ngrirjes dhe një shpërthimi kolere, tha Elder.
Një vullnetar i grupit “Helmetat e Bardha”, i njohur zyrtarisht si Mbrojtja Civile e Sirisë, tha se organizata nuk ka ndihmë të mjaftueshme për të trajtuar këtë fatkeqësi.
Punonjësit e ekipeve të shpëtimit po bëjnë garë me kohën për të arritur viktimat e bllokuara brenda rrënojave ndërsa të mbijetuarit kaluan natën e tyre të parë jashtë pav rësisht kushteve të vështira të motit.
Gjendja në Turqi:
Të paktën 2,921 njerëz kanë vdekur dhe disa mijëra janë plagosur, tha kreu i shërbimeve të fatkeqësive të vendit, Yunus Sezer në një konferencë shtypi të hënën mbrëma.
Moti dhe shkalla e katastrofës po e bënte sfiduese për ekipet e ndihmës mbërritjen në zonën e prekur, tha ministri turk i Shëndetësisë Fahrettin Koca, duke shtuar se helikopterët nuk ishin në gjendje të ngriheshin të hënën për shkak të motit të keq. Stuhi të forta dëbore kanë goditur kohët e fundit disa pjesë të Sirisë dhe Turqisë, sipas meteorologes së CNN Haley Brink, dhe deri të mërkurën tashmë temperaturat e ftohta pritet të bien disa gradë nën zero.
Disa persona kanë kërkuar strehim në autobusë, qendra sportive, xhami dhe nën tenda të përkohshme pëlhure, struktura mjaft të forta për t’i bërë ballë goditjeve të mëtejshme ose mjaft të dobëta për të mos shkaktuar lëndime të rënda nëse ato shemben.
Të paktën 5,606 struktura u shkatërruan gjatë tërmetit dhe në orët pas saj, tha agjencia turke e fatkeqësive (AFAD). Mes tyre ishte edhe Spitali Shtetëror Iskenderun në qytetin me të njëjtin emër, Koca, tha ministri i Shëndetësisë. “Ne po përpiqemi të shpëtojmë punonjësit mjekësorë dhe pacientët atje,” shtoi ai. Deri të hënën vonë, të paktën 300,000 batanije, 24,712 shtretër dhe 19,722 tenda ishin dërguar në zonat e prekura nga tërmeti, tha AFAD.
