Stuhia e dëborës ka shkaktuar problemet e para në Greqi, teksa policia greke ka njoftuar se ka vënë në jetë planin e masave për përballimin e situatës emergjente të krijuar.
Sipas ministrisë së mbrojtjes civile dhe emergjencave,reshjet e dendura kanë paralizuar pothuaj tërësisht trafikun në periferinë e Athinës, ndërsa që prej orës 18.00 sipas orës lokale, është urdhëruar ndalimi i qarkullimit në lagjet veriore të kryeqytetit të vendit.
Me vendim të prefektit të Athinës shkollat e zonave të prekura prej stuhisë së dëborës Barbara do të jenë mbyllur, ndërsa nëpërmjet mesazheve të mbërritura ne numrin e emergjencave civile 112 janë njoftuar banorët e Atikës të mos dalin nga banesat e tyre gjatë orëve në vazhdim.
Ndërkohë për të shmangur problemet,autoritetet njoftuan se që prej mbrëmjes të së shtunës do të ndalohet qarkullimi i kamionëve të rëndë të aksin Athinë-Lamia, Athinë-Thiva si dhe në gjithë akset periferike të Atikës.
Të gjitha automjetet që do të qarkullojnë në këto zona duhet të kenë në mënyrë të detyrueshme zinxhirë ose kuverta anti-dëborë në automjetet e tyre,ndërsa banorët e zonave që do të preken janë njoftuar nëpërmjet numrit të emergjencave 112, të mos lëvizin nëse nuk do të kenë një arsye të rëndësishme që prej të shtunës 04 shkurt ,deri mbrëmjen e së hënës 06 shkurt.
