Ankara- Kryeministri i Kosovës, Albin Kurti, ndodhet për vizitë në Turqi me ftesë të Presidentit turk, Erdogan. Gjatë qëndrimit në Turqi ai ka dhënë një interviste për televizionin “TRT”.
Mes të tjerash Kurti ka thënë se kurrë nuk do ta lejonë krijimin e një Republike Srpska në Kosovë. I pyetur rreth formimit të Asociacionit të komunave me shumicë serbe, Kurti e ka përsëritur një deklaratë të thënë më edhe më parë se një gjë e tillë është e pamundur.
Ai është pyetur edhe në lidhje pyetur në lidhje me deklaratën e zv/ndihmës sekretarit amerikan të shtetit, Gabriel Escobar, se Asociacioni “duhet të bëhet”, e po ashtu i është kërkuar mendim nëse një deklaratë të tillë e ka marrë si një kërcënim të drejtpërdrejtë ndaj tij. Kurti, në kontekstin e përgjigjes së tij ndaj kërkesave të Escobar, i tha gazetares turke se nuk duhet harrohet “përvoja e hidhur” në Bosnje-Hercegovinë me Republikën Serbe.
PJESË NGA INTERVISTA E PLOTË:
Pyetje: Po përballeni me shumë presion, a e shihni këtë marrëveshje si një mundësi të mirë për Kosovën?
Albin Kurti: Jam i lumtur që të gjithë janë të angazhuar për një marrëveshje të përbashkët. Shpresoj që të kemi një marrëveshje, sepse Kosova është një vend normal, por marrëdhënia jonë me Serbinë nuk është normale.
Pyetje: Asosacioni i komunave serbe, tani keni idenë tuaj sesi duket kjo pikë e marrëveshje, jeni më afër të pranimit të saj?
Albin Kurti: Kanë nënshkruar këtë marrëveshje për Asosacionin. Por kjo është pika e fundit që duhet të diskutohet. Nuk duhet të zgjidhet kjo nga 33 dakordësi sepse ajo të pëlqen më shumë. Nuk vendoset as karroca para kalit. Nuk mund të kemi asosacion etnik, nuk janë të pranueshme. Nëse Serbia do të njohë asosacionin, duhet ta bëjnë në shtëpinë e tyre, sepse ka më shumë minoritet në Serbi se në Kosovë. Në Serbi 20% janë minoritet.
Pyetje: Edhe nga SHBA po e dëgjojmë një shtyrje edhe nga Escobar. Ai tha se nuk është një vendim i yti për t’u marrë por një vendim mes Kosovës dhe Serbisë. A ëhstë ky një kërcënim?
Albin Kurti: Escobar është shumë aktiv, e kam takuar disa herë. Duhet të jemi të drejtë. Mos ta harrojmë eksperiencën e keqe të BiH.
Pyetje:A ka ndonjë indikacion se ju është propozuar Republika Srbska?
Albin Kurti:Sepse Beogradi e do për të implementuar “Botën serbe”. Kemi disa minoritete në Kosovë, nuk mund ta kemi një më superior. E kam shpjeguar me shumë durim, e po ashtu mendoj se propozimi i BE nuk është për asosacionin.
Pyetje:Plani franko-gjerman nuk e përmend njohjen e ndërsjelltë?
Albin Kurti: E impementon njohjen de-facto. E kam thënë që kërkesa për Asosacion pa njohur Kosovën është si të kërkosh kafe pa filxhan. Shteti është filxhani.
Pyetje: Serbia ende nuk pranon që të vendosë sanksione ndaj Rusisë.
Albin Kurti: E kanë bërë zgjedhjen e tyre për të qenë pranë Kremlinit. A do të ketë ndonjë mundësi për ta ndryshuar? Nuk e di. Vjet u miratuan 3 marrëveshje mes dy vendeve, morën gaz të lirë, bënë gjithashtu marrëveshje për të koordinuar diplomacinë, pastaj Vulin u vendos në krye të inteligjencës. Regjimi i Beogradit bëri genocid në Kosovë, jo Rusia. Edhe po u shkëputën nga ndikimi rus, është mirë, por nuk shoh asnjë element konkret.
Pyetje: A nuk keni frikë se kjo çështje mund të vazhdojë?
Albin Kurti: Serbia nuk do të përballet me të shkuarën. E konsideron akoma Kosovën, BiH dhe Malin e Zi si vende të përkohshme. Kjo nuk po ndodh prej meje, por Beogradit. Ata janë regjim hibrid. Ne nuk kemi frikë, Kosova po e shton ushtrinë. Do të marrim pjesë në “Defender23”. Të bashkohemi me BE dhe NATO, të dyja janë shumë të rendësishme për ne.
Pyetje: E ndihmon dot Turqia hyrjen në NATO? Kërkuar ndihmë?
Albin Kurti: Po, donte të mbështeste Kosovën. Shumë ushatarë janë stërvitur në Turqi dhe do të rrisim bashkëpunimin.
Pyetje: Çfarë do i thoje vendeve që ende nuk e kanë njohur Kosovën? Albin Kurti: 170 shtete na njohin, 26 në NATO. Bashkojuni shumicës se Kosova është histori suksesi.
