Gjykata franceze ka dënuar me 20 vite burg një 29-vjeçar shqiptar, pasi akuzohet për vrasjen e një të riu francez.
Mediat e huaja shkruajnë se shqiptari dyshohet se ka qëlluar me armë gjahu në bark një 22-vjeçar më 11 tetor të vitit 2019.
Ndërkohë një ditë pas ngjarjes së rëndë, shqiptari ishte arratisur. Ai u arrestua disa muaj më vonë në Tiranë, në vendlindjen e tij. Në paraburgimin e policisë, ai pranoi se ishte autori i krimit ndërsa ka mohuar se donte ta vriste të riun.
Gjykata përfundimisht e shpalli fajtor për vrasje dhe tentativë vrasjeje të dy miqve të viktimës.
