Policia e Tiranës ka arrëstuar ditën e sotme një 39-vjeçar, pasi është kapur me doza të vogla kanabisi gati për shitje.
Blutë bëjnë me dije se në pranga ka rënë shtetasi J(K.) S., ndërsa janë sekuestruar 540 gramë lëndë e dyshuar narkotike cannabis sativa, peshore elektronike dhe qindra qese farmaceutike.
“ U arrestua në flagrancë shtetasi J.(K.) S., 39 vjeç, banues në Tiranë.
Gjatë kontrollit të ushtruar në banesën e këtij shtetasi, në rrugën “Ramazan Kasa”, shërbimet e Policisë kanë gjetur rreth 540 gramë lëndë të dyshuar narkotike cannabis sativa, 1 peshore elektronike dhe qindra qese farmaceutike për ndarjen në doza të lëndëve narkotike, të cilat u sekuestruan në cilësinë e provës materiale, së bashku me një aparat cellular”,- sqaron policia
Materialet i kaluan Prokurorisë, për veprime të mëtejshme, për veprën penale “Prodhimi dhe shitja e narkotikëve”.
