Gjyqtari Altin Shkurti ka kaluar sot vetingun. Komisioni i Pavarur i Kualifikimit shpalli sot vendimin ku shprehej se Shkurti është konfirmuar në detyrë.
Vendimi u mor nga trupa e KPK, e kryesuar nga znj. Etleda Çiftja, znj. Suela Zhegu relatore, znj. Alma Faskaj anëtare .
Gjyqtari Altin Shkurti i Gjykatës së Rrethit Tiranë u përball të mërkurën më 1 shkurt 2023 me Komisionin e Pavarur të Kualifikimit, KPK kur gjatë seancës dëgjimore dha shpjegime për barrat e provës për pasurinë për të cilat deklaroi se i kishte kundërshtuar me dokumente, si dhe për disa gjetje në kriterin profesional. Shkurti u vlerësua pozitivisht për pastërtinë e figurës.
Altin Shkurti i përfundoi studimet në Shkollën e Magjistraturës në vitin 2000 dhe punon prej më shumë se dy dekadash si gjyqtar pranë Gjykatës së Rrethit Gjyqësor Tiranë.
