Skandali McGonigal për deputetin e Partisë Demokratike, Ervin Salianji, është një aferë personale e kryeministrit Edi Rama, për të cilën duhet të paraqitet në Kuvend dhe të japë llogari para shqiptarëve se përse korruptoi një zyrtar të FBI-së.
Salianji teksa mori fjalën në foltore i kërkoi kryetares së Kuvendit të thërrasë në seancë kryeministrin Rama, pasi në mungesë të shefit të ekzekutivit nuk mund të ketë seancë plenare.
“Të gjithë deputetët duhet të flasin për aferën e kryeministrit për të korruptuar një zyrtar të lartë të FBI. Ne e kërkojmë kryeministrin për një aferë personale. Duhet të vijë dhe të japë përgjigje. Ju nuk mund të caktoni dot se cilët janë deputetët që bëjnë debat. Të gjithë të dalin dhe të diskutojnë.
Ndryshe nuk ka kuptim seanca. Dje kryeministrit i doli skandali i avionit personal. Tha që e kam pa lekë, dje i doli kontrata e Shërbimeve Qeveritare. Pranoni kërkesën për mocion me debat, ti japim seancë parlamentarizmit. Ndryshe nuk mund të ketë seanca. Ka mundësi të ktheni përgjigje për këtë dhe t’i japim drejtim seancës”, tha Salianji.