Shërbimi i psikologut ofrohet për herë të parë në qendrat shëndetësore të vendit. Këshillimi psikologjik jepet në 50 poliklinika për të gjitha grupmoshat, nga fëmijët deri tek të moshuarit.
“Rastet e para kanë filluar ta marrin shërbimin. Procesi i referimit vjen nga mjeku i familjes. Pasi bën vlerësimin e kushteve të pacientiti dhe mendon se është i nevojshëm e referon te psikologu”, u shpreh psikologia.
Psikologia Majlinda Xhika, pranë qëndrës shëndetësore nr 8 në Tiranë thotë se problemet kryesore që evidentohen janë ankthi dhe stresi, ndërsa tek fëmijët frika.
“Rezultatet e OBSH kanë treguar se ka një rritje të problemeve të shëndetit mendor në popullatë. problemet kryesore që paraqesin janë gjendjet e ankthit dhe luhatja e humorit. Nuk përjshtohet dhe rastet e stresit në punë. Te fëmijët frikërat dhe fobi të ndryshme që mund të jenë krijuar si rezultat edhe i ekraneve”, tha më thej Xhika.
Psikologia thotë se vitet e fundit ka një ndërgjegjësim të qytetarëve që kërkojnë ndihmën e specialistit, megjithatë mbetet shqetësim përdorimi i medikamenteve pa rekomandim.
