Policia Italiane ka arrestuar një shqiptar, nën akuzën e vjedhjes së një makine dhe posedimin e një arme zjarri pa leje.
Ngjarja ka ndodhur rreth orës 19:30, më 31 janar në via Modena dhe ndalimi i shqiptarit u bë rastësisht nga policia rrugore për arsye kontrolli.
Oficerët e policisë vunë re se gjatë ndalimit, shoferi u shfaq nervoz dhe i acaruar dhe ka reaguar ndaj tyre duke i sharë dhe kërcënuar, duke kërkuar të mos kontrollohej.
Gjatë kontrollit në makinë, policët gjetën një armë pa leje. Menjëherë shqiptari dërgohet drejt stacionit të policisë, ku është në pritje të gjykimit.
