Kreu i Dhomës së Avokatisë në Shkodër, Anton Kosteri ka reaguar sot pas mbylljes së Gjykatës së Apelit në Shkodër për shkak të hartës së re Gjyqësore.
Ai është shprehur se këtë çështje do ta çojnë në Gjykatën Kushtetuese. Kosteri tha se me mbylljen e kësaj Gjykate nuk dihet se kur do të gjykohen çështjet.
“Reagimi tani do jetë në instanca të larta. Çështja do shkojë në Gjykatën Kushtetuese. Proçeset do gjykohen në gjykatën e apelit Tiranë. Tani njerëzit e kanë kuptuar se lufta jonë kishte një kuptim. Do mësohemi, sepse do vazhdojë puna njësojë, tarifat do rriten. Problematikat do reflektohen në xhepat e qytetarëve që kanë probleme me ligjin. 2100 dosje mund të gjykoheshin për 1 vit në Shkodër, tani nuk dihet kur do gjykohen.
Kanë qenë 24 punonjës të administratës, do mbesin vetëm 3. Nuk dihet fati i të tjerëve në Gjykatën e Apelit Shkodër. Mbetet për tu parë në vazhdim. Incineratori i Tiranës, Kryemadhi thirret në SPAK për të sqaruar akuzat e saj “për aferën korruptive”. Me ndërtesën e ndërtuar në vitet e fundit nuk dihet çfarë do të bëhet. Shpresojmë të mos mbesë si shtëpia e mushkajës, siç ka qenë më parë”, u shpreh kreu i Dhomës së Avokatisë Shkodër, Anton Kosteri.
