Një 45-vjeçar është arrestuar në Morinë me qëllim për tu ekstraduar drejt Gjermanisë.
Në pranga ka rënë Armend Morina, banues në Gjakovë i cili ishte shpal;lur në kërkim ndërkombëtar për krime ekonomike.
Gjatë përpunimit dhe verifikimit të të dhënave në sistem, ky shtetas ka rezultuar i shpallur në kërkim nga autoritetet gjermane, pasi Gjykata e Wangen, me vendimin e datës 08.06.2021, e ka dënuar me 1 vit e 6 muaj burgim, për veprën penale “Mashtrimi dhe mbajtja e sendeve të vjedhura”, parashikuar nga legjislacioni penal i Gjermanisë.
Në përfundim të veprimeve procedurale për këtë rast, specialistët e Seksionit për Hetimin e Krimeve Ekonomiko-Financiare të DVP Kukës, e arrestuan përkohësisht këtë shtetas, me qëllim ekstradimin drejt Gjermanisë. Interpol Tirana, në bashkëpunim me autoritetet gjermane, vijon procedurat për ekstradimin e 45-vjeçarit.
