Një banesë është përfshirë nga flakët, një natë më parë në Rubjekë të Shijakut.
Familja prej 7 anëtarësh ka mbetur në qiell të hapur, ndërsa mësohet se bashkë me banesën janë djegur dhe mbi 15 milion lekë.
Në çastin kur ka rënë zjarri në banesë ndodhej vetëm kryefamiljari Vehbi Domi i cili ka shpëtuar pa lëndime nga shtëpia e përfshirë në flakë.
Burime nga shërbimi zjarrfikës bëjnë me dije se janë ende të paqarta shkaqet e zjarrit në shtëpinë e cila ishte e dëmtuar nga tërmeti dhe e mbuluar me llamarina.
Pas tërmetit të 2019-s, për familjen Domi nga Rubjeka kjo konsiderohet një fatkeqësi dhe më e madhe, pasi zjarri u mori dhe paratë e shpresën për një shtëpi të re.
