Kryeministri Edi Rama mëngjesin e sotëm shfaqet për herë të parë një javë pas zhdukjes së plotë.
Kreu i qeverisë nga zyra e Kryeministrisë bën me dije se ka qenë i sëmurë me grip madje u bën thirrje qytetarëve që të bëjnë kujdes nga kjo “flamë e keqe”.
“Përshëndetje dhe një javë të mbarë, uroj të jeni mirë, bëni kujdes me këtë flamën gripale që është vërdallë se e hoqa vetë dhe realisht s’të bën për burrë kur thonë Tironsit, gjithsesi nuk e kam dalur komunikimin me skuadrën time”, tha Rama.
Kujtojmë që dita e enjte ishte një arenë e fortë përplasjesh mes opozitës dhe mazhorancës pasi PD kërkoi me ngulm prezencën e kryeministrit Edi Rama për të dhënë “llogari” lidhur me skandalin e korruptimit të zyrtarit të FBI, Charles McGanigal, i arrestuar për korrupsion 1 javë më parë. Gjithashtu mediat ndërkombëtare bëjnë me dije se ish-zyrtari i lartë i FBI-së McGonigal ka marrë pagesë 225 mijë dollarë nga një ish-spiun shqiptar dhe ka zhvilluar takime sekrete me kryeministrin shqiptar, Edi Rama.
Gjithashtu Berisha prej disa ditësh artikulon një numër të lartë akuzash drejtuar kryeministri Edi Rama i cili pas skandalit “McGanigal” është zhdukur duke mos lënë asnjë gjurmë. Berisha hodhi hipotezën e largimit të Ramës jashtë vendit për të kërkuar ndihmë te George Soros, ndërsa ka ripërsëritur kërkesën e tij në drejtim Ramës për të dhënë dorëheqjen pasi ka paguar për të asgjësuar opozitën shqiptare.
