Gjykata e Apelit në Itali ka publikuar arsyet pse Juventusi u dënua me heqjen e 15 pikëve pas hetimeve për implikime financiare.
Bardhezinjtë u dënuan për fryrje të vlerave të transfertave të lojtarëve për të falsifikuar fitimet e tyre kapitale.
Fajësia e “Zonjës së Vjetër” u konstatua nga gjykata falë dokumentacionit nga drejtuesit e klubit, me dorëshkrime përkatëse dhe përgjime në lidhje me fshehjen e dokumentacionit apo edhe manipulimin e faturave.
“Përgjime dhe prova të qarta në lidhje me ndërhyrjet për fshehjen e dokumenteve apo edhe manipulimin e faturave. Juventus ka kryer një shkelje të rëndë, të përsëritur dhe të stërzgjatur, në funksion të dokumentacionit që vjen nga drejtuesit dhe nga dorëshkrimet përkatëse, përgjimet pa mëdyshje dhe provat e mëtejshme.
“Kjo përbën një element objektiv të qartë. Aq më tepër duke marrë parasysh rrethanat se qëllimi i procesit sportiv është padyshim që të mos nxirret përfundimi i ndonjë vepre penale me karakter kriminal. Subjekt i gjykimit është vetëm shkelja e rregullave sportive. Përgjimet telefonike ose mjedisore (dhe blerjet dokumentare) të cituara nga prokurori federal janë gjithashtu shumë domethënëse”. – thuhet në deklaratën e lëshuar nga FIGC.
Bardhezinjtë janë ende në rrezik të ndëshkimit edhe nga hetimi i Prisma-s i drejtuar nga Prokuroria Publike e Torinos, e cila po shqyrton çështjen e fitimeve kapitale dhe marrëveshjet e supozuara të pagave sekrete me lojtarët.
Përtej kësaj, ka zëra të tjerë se Juventusi mund të dënohet edhe UEFA pikërisht për shkak të manipulimit me pagat e lojtarëve gjatë kohës së pandemisë.
Tani që arsyetimi është zbuluar, Juventusi është në gjendje të apelojë vendimin në Collegio di Garanzia të CONI.
