Një 62-vjeçar, banues në Radostinë, është arrestuar nga policia ditën e sotme.
Blutë bëjnë me dije se gjatë kontrollit të ushtruar në lokalin e tij, u konstatua lidhje e paligjshme e energjisë elektrike.
“S. B., 62 vjeç, banues në Radostinë, pasi gjatë kontrollit të ushtruar në lokalin e tij, u konstatua lidhje e paligjshme e energjisë elektrike dhe se këtë aktivitet tregtar, e ushtronte i papajisur me licencë”, njofton policia.
Po ashtu të njëjtët burime referuan se është arrestuar dhe një 27 vjeç, banues në Mallakastër, pasi gjatë kontrollit të ushtruar në banesën e tij, u konstatua lidhje e paligjshme e energjisë elektrike.
“Specialistët për Hetimin e Krimeve të Komisariatit të Policisë Mallakastër arrestuan në flagrancë shtetasin A. S., 27 vjeç, banues në Poçem, Mallakastër, pasi gjatë kontrollit të ushtruar në banesën e tij, u konstatua lidhje e paligjshme e energjisë elektrike”, thuhet në njoftimin e policisë.
