Nga qyteti i Burrelit, kryetari i PD, Sali Berisha, sulmoi kryebashkiakun e emëruar nga Edi Rama, Agron Malaj.
Berisha tha se ai vjedh bashkë me kryebashkiakun e Tiranës, Erion Veliaj.
“Me datën 14 maj, Agroni duhet të dorëzojë çelësat dhe të bëhet gati për të gjitha prokurimet, për të gjitha vjedhjet që i ka bërë. A e dini se ku i bën vjedhjet Agroni? Do çuditeni ju. I bën me Erion Veliajn në Tiranë. 30 milionë euro ka fituar tendera në Tiranë, kompania e familjes së tij, duke i ndarë me Erion Veliajn. Agron, largohu vetë më mirë!
Bedri Hoxha, ju garantoj se është njeriu që e do Klosin, Matin, qytetarët, njeriu që ka përkushtimin, ndershmërinë më të madhe për ta shndërruar atë bashki në shtëpinë e parë të çdo qytetari, për të përdorur me transparencë të plotë çdo qindarkë. Por të dy së bashku do përgjysmojnë taksat. Ne jemi parti e taksave të ulëta. Ne besojmë se paratë në xhepat tuaja janë më të vlefshme për ju dhe shoqërinë se paratë e taksave të shtetit. Taksa e ulët është ligji unë”, tha Berisha.
