5 persona janë arrestuar ditën e sotme në Tiranë, pasi janë kapur në flagrancë duke ushtruar aktivitet të paligjshëm të lojërave të fatit.
Në pranga kanë rënë shtetasit, E. R., 27 vjeç, A. Z., 23 vjeç, R. K., 38 vjeç, G. M., 20 vjeç dhe U. H., 20 vjeç.
Ndërsa janë sekuestruar në cilësinë e provës materiale 7 kompjuterë, rreth 970 000 lekë dhe 160 euro.
“Shërbimet e Komisariatit të Policisë Nr. 2, si rezultat i kontrolleve në lokale dhe në ambiente të tjera, ku mund të organizohen lojëra fati në kundërshtim me ligjin, kanë organizuar dhe finalizuar operacionin policor të koduar “Game over” dhe kanë goditur 2 raste të kësaj veprimtarie kriminale.
Në vijim të veprimeve u arrestuan në flagrancë shtetasit , E. R., 27 vjeç, A. Z., 23 vjeç, R. K., 38 vjeç, G. M., 20 vjeç dhe U. H., 20 vjeç.
Këta shtetas janë kapur në flagrancë, në një lokal në rrugën “Irfan Tomini” dhe në një lokal në bulevardin “Gjergj Fishta”, duke organizuar lojëra fati.”,- sqaron policia.
Materialet i kaluan Prokurorisë, për veprime të mëtejshme.
