Gjykata penale e Antwerp-it dënoi 23 të pandehur pjesë të një organizate kriminale që importonte më shumë se gjashtë ton kokainë përmes portit të Antwerp-it midis nëntorit 2020 dhe majit 2021 me burg deri në trembëdhjetë vjet dhe gjoba deri në 200,000 euro. Midis tyre është shqiptari Bledar Seferi.
Gjykata konfiskoi asete kriminale mbi 30 milionë euro.
Omar G. mori 13 vjet burg, Mounir El B. 11 vjet, Ilias El B. 12 vjet, Bledar S. 12 vjet dhe Mohammed 10 vjet. Omar G, Mounir, Ilias, Bledar, Mohammed B. dhe Ali T. janë urdhëruar të arrestohen menjëherë.
Grupi mbajti kontakte me klientët, duke përfshirë grupet e krimit holandez dhe shqiptar dhe me furnitorë nga Amerika e Jugut.
Një nga të dyshuarit është trafikanti shqiptar i drogës Bledar S., përfaqësues i Kompania Bello, një sindikatë shqiptare që konsiderohet si një nga më të fuqishmet dhe më të pasurat në Evropë.
Në vitin 2020, policia italiane i dha një goditje të fortë Kompanisë Bello. Ndërkohë në vendin e tij, pasuria e tij dhe e familjes u sekuestrua si pjesë e një procedure antikorrupsion.
Në Belgjikë, Bledar S. u dënua me dhjetë vjet burg në nëntor 2019 si drejtues i një organizate kriminale të përfshirë në ngritjen e plantacioneve të kanabisit dhe kontrabandën e kokainës. Ai ishte dënuar më parë edhe për kontrabandë droge në Itali.
