Ish-kreu i SHISH, Fatos Klosi dhe avokati i njohur, Genc Gjokutaj, të ftuar në studion e emisionit “Frontline” kanë replikuar lidhur me akuzat ndaj ish-zyrtarit të FBI, McGonigal.
Teksa Klosi tha se kryeministri Edi Rama nuk është budalla të përfshihet në këto çështje, Gjokutaj tha se McGonigal është takuar me Ramën dhe ka marrë 80 mijë dollarë në një parking.
Ai shtoi se të dyshimta janë edhe pagesat për vizitat e McGonigal në Shqipëri, pasi ato nuk janë paguar nga FBI.
Gjokutaj i bëri thirrje SPAK të tërheqë dosjen hetimore nga SHBA dhe të vërtetojë nëse kryeministri Rama preket ose jo nga akuzat.
Sipas Gjukutaj, Rama rrezikon deri në 20 vite burg për këtë çështje, pasi sipas tij ky është një krim i rëndë.
Klosi: Tani ai thuhet se ka takuar kryeministrin, kjo përbën faj? Unë po pres që gjërat të zhvillohen, SPAK le të merret me këtë punë nëse gjykon se ka diçka. Kush i ka dhënë paratë e ka thënë vetë i zoti i tyre. Në Shqipëri janë 2 institucione që merren me këto punë, politika që kërkon baltë për të hedhur dhe media që kërkon skupin, që për çdo gjë kërkon të japë mendim. Keni për ta parë që do dali një skifo, kryeministri nuk është budalla të ketë bërë gabime të tilla. Berisha thotë që të japë dorëheqjen, harron që ai ka maxhorancën. Opozita nuk mund të sajojë gjëra që nuk ekzistojnë, unë pres si qytetar, jam i interesuar se çfarë ndodh, kanë thënë edhe për mua në komision hetimor parlamentar. Ai nuk lexoi as akuzën në seancë, la 500 mijë dollarët dhe iku.
Gjokutaj: Te rasti i Ramës jemi në një propagandë ku shumë media i shkojnë versionit që kjo çështje nuk ka problematika dhe asgjë mbrapa. Unë mendoj se ai po gabon në mbrojtjen që po i bën vetes, ai duhet të jetë i pari që duhet t’i hapë rrugën hetimeve. Amerikanët kanë një të pandehur, por në këto paragrafë del dhe emri i Ramës.
Njerëzit janë të shqetësuar sepse është përmendur emri i kryeministrit ku kanë qenë në një restorant dhe McGonigal ka marrë 80 mijë dollarë në parking. Gjyqi me vetveten është shumë i vështirë, Rama nuk duhet të vërë pengesa për një investigim mbi të. SPAK duhet të zgjidhë këtë problem, mundet të marrë dosjen nga SHBA dhe ka gjithë materialin nëse implikohet Rama apo jo, kemi dhe heshtje nga Presidenti
S’është çështje budallallëku, këto punë i bëjnë të zgjuarit. Ai përballet me 20 vite burg minimumi, është krim i rëndë. Ky është në cilësinë e të pandehurit, cilësohet fajtor nga shteti por do kalojë përmes gjykatës. Kur përpilohet një aktakuzë për gjykim mos prisni që provat të jenë aty, ato i shqyrton gjykata, por çdo paragraf që parashtrohet mbështetet nga prova të dorëzuara. Prokurori aty relaton vizitat e tij në Shqipëri që nuk kanë qenë për të parë kalanë e Beratit, ka qenë vizitë jo zyrtare, shpenzimet nuk i ka paguar as ai, as FBI. Ai ka ardhur disa herë në vend. Kryeministri i një vendi si Shqipëria unë e quaj të pamundur ta ketë mik një zyrtar të lartë të FBI-së, ku e bëri mik McGonigal ky? Aferat në Shqipëri i fshehin pas miqësisë politikanët.
