Ish zyrtari i lartë i kundërzbulimit të FBI-së, Charles McGonigal, arrestuar të shtunën nga autoritetet amerikane, pritet të dalë para gjykatës në Uashington për t’u shprehur nëse i pranon apo jo akuzat se ka marrë para nga një ish punonjës i shërbimeve inteligjente shqiptare dhe për lidhje të forta me Rusinë.
Skandalit me McGonigal i është bërë jehonë në pothuajse të gjitha mediat amerikane.
Titujt e mediave prestigjioze, si CNN, Washington Post, Neë York Times, kanë raportuar detaje nga hetimet e autoriteteve atje, lidhur me aktivitetin e paligjshëm të McGonigal, si dhe kanë bërë një pasqyrim të karrierës së tij si zyrtar i FBI.
Fox Neës, në një nga titujt kryesorë, e ka cilësuar McGonigal si shtegun drejt korrupsionit.
Insajder ka raportuar edhe mbi detajet që implikojnë zyrtarë apo ish-zyrtarë shqiptarë dhe faktin që ish-agjenti i FBI ka marrë 225 mijë dollarë nga një ish-oficer i inteligjencës në Shqipëri.
Në pothuajse çdo artikull të mediave në Amerikë, theksi vihet tek fakti që McGonigal ka ndihmuar një oligark rus dhe ka thyer sanksionet që SHBA ka vendosur ndaj tij.
Pas 22 vitesh si agjent i FBI-së, Charles McGonigal doli në pension në vitin 2018, ndërsa u arrestua vetëm disa ditë më parë në Aeroportin Ndërkombëtar John F. Kennedy.
