Një shqiptar dhe dy grekë kanë rënë në prangat e policisë greke pasi tentuan të transportonin kanabis.
Mediat vendase raportojnë se për të kryer ‘misionin’ ata kanë inskenuar një aksident me makinën e tyre dhe e ngarkuan në karotrec.
Ndërsa makina ishte lidhur në mjetin e madh të ndihmës rrugore, efektivët e policisë së Drejtorisë së Drogës Heraklion, kanë ndërhyrë dhe kanë ndaluar kamionin.
Ata ulën mjetin, e kontrolluan dhe zbuluan drogën e fshehur dhe të paketuar. Shqiptari ishte në rolin e pasagjerit në kamion dhe po drejtonte shoferin e panjohur për të arritur në një pikë ku prisnin dy të tjerët.
Objektivi kryesor i policisë ka qenë 31-vjeçari Kretan, për të cilin kishte informacione për trafik droge, për këtë arsye ka pasur përgjime, e cila ka sjellë në prangat e Policisë dy të tjerët.
Gjatë kontrollit, shtetasit 31-vjeçar i gjetën brenda automjetit dhe sekuestruan 12 kilogramë e 840 gramë kanabis. Në banesën e shtetasit 31-vjeçar u krye kontrolli, ku u gjetën dhe u konfiskuan: 449.2 gram kanabis,
36 fishekë, 4 celulare dhe peshore precize. Gjithashtu është konfiskuar edhe një veturë e ISHP-së si mjet për kryerjen e veprave penale.
