Paulin Përgjini dhe Indrit Ameri janë shpallur në kërkim nga policia e Lezhës, pasi akuzohen se ka dhunuar gazetarin Elvis Hila dhe bashkëshorten e këtij të fundit.
Sipas hetimeve paraprake të policisë, ngjarja ka ndodhur për shkak të detyrës së Hilës si gazetar.
“Specialistët për Hetimin e Krimeve në Komisariatin e Policisë Lezhë shpallën në kërkim shtetasit Indrit Ameri, A. 35 vjeç, banues në Pllanë dhe Paulin Përgjini 32 vjeç, banues në Manati. Këta shtetas, rreth orës 16:40, në qytet Lezhë, i kanë dalë përpara shtetasit Elvis Hila, 32 vjeç, banues në Lezhë, me profesion gazetar dhe e kanë dhunuar fizikisht bashkë me bashkëshorten e tij shtetasen B. Hila, e cila në ato momente ka ndërhyrë. Nga veprimet e para hetimore të kryera, dyshohet se këta shtetas e kanë dhunuar fizikisht gazetarin për shkak të detyrës. Vijojnë kontrollet intensive për lokalizimin dhe kapjen e tyre”, njoftoi policia.
Dëshmia
Gazetari ka kallëzuar në polici se është dhnuar pas një lajmi të publikuar nga ai po këtë të Mërkurë.
Në deklaratën e dhënë para unfirmave blu, ai ka zbardhur dhe dinamikën e ngjarjes.
“Bëhet fjale per vendimin qe eshte dhene me date 24.01.2023 nga Gjykata e Shkalles se Pare Lezhe ne lidhje me denimin e shtetasit Fran Ameri per vepren penale “Falsifikim dokumentash”. Pasi lajmi eshte publikuar ne mediat ku une punoj rreth ores 14:47 te dites se sotme me ka telefonuar nga numri i telefonit “+355693076906, djali i tij duke me share, ofenduar dhe kërcënuar në lidhje me publikimin e bërë. Rreth orës 16:42 isha me bashkeshorten time dhe jam telefonuar nga nje tjeter shtetas me numrin “+355693638336” i prezantuar si shtetasi Paulin Pergjini dhe me kërkoi qe te takoheshim perballe Bar Firence ne afersi te rruges se spitalit. Kur jam afruar aty e kam telefonuar numrin ne fjale dhe ka dale nga nje automjet tip Golf 6 i cili ishte i parkuar ne ane te rruges. Nga kjo makine ka dale edhe shtetasi Indrit Ameri. Me thane qe te parkoja makinen dhe te dilja nga makina. Une e parkova ne anen e rruges se vjeter te spitalit dhe aty me jane afruar personat ne fjale te cilet une i identifikova si Paulin Pergjini dhe personi tjeter me Indrit Ameri dhe filluan te me kerkonin llogari dhe te me kercenonin ne lidhje me lajmin e publikuar”, tha Hila.
“Pasi une nuk pranova te zbrisja nga makina tentuan te me hapnin deren e makines dhe ne kete moment ka zbritur bashkeshortja ime qe tu thoshte qe te largoheshin. Pasi bashkeshortja ime tentoi ti largonte nga dera e makines dhe po mundohej te telefononte policinë, shtetasi me Indrit Ameri i ka rene me dore telefonit dhe pasi ajo eshte ulur per te marre telefonin ky shtetas e ka goditur me grusht ne pjesen e pasme te qafes. Dhe me pas kane ardhur ne drejtimin tim dhe ka tentuar te me nxjerre me force nga makina. Pasi nuk arriten te me nxirrnin nga makina shtetasit Paulin Pergjini dhe Indrit Ameri me kane goditur me shkelma dhe grushte. Bashkëshortja ime ka hipur ne makine dhe jemi larguar drejt spitalit ku dhe morem mjekimet e duhura”, shtoi ai.
