“Me këto protesta, Berisha po bëhet kukull e Putinit”. Kështu do të shprehej për mediat në Shqipëri gjatë vitit 2019 Mark Thomas Rossini, ish-agjent i FBI-së.
Deklarata u risoll në vëmendje pas arrestimit nga drejtësia amerikane e Charles McGonigal, ish-zyrtar i lartë i FBI-së në Nju Jork, që sipas hetimeve të autoriteteve atje, rezulton me lidhje të ngushta me kryeministrin Edi Rama.
Mark Thomas Rossini, i cili sulmonte Berishën, rezulton ortak në një studio ligjore – e regjistruar në QKB si ‘Laë Office and Investigation’, bashkë me Charles McGonigal dhe persona të tjerë.
Gjatë deklaratës për “Top Channel”, në Prill 2019, kur PD zhvilloi disa protesta, Rossini do të shprehej për Berishën:
“Me këto protesta, Berisha po bëhet kukull e Putinit. Sepse, duke bërë atë që bëri, duke inskenuar ato protesta pikërisht në këtë kohë, po luan lojën e Putinit. Prandaj është kukull. Dhe po të mos e dijë ai. Ky është i gjithë kuptimi i postimit tim emocional. Ndalo dhe shiko se ç’do të thotë kjo në largpamësi. Kjo është e rëndësishmja. Shiko ndikimin në largpamësi, pasojat e kësaj. Jo vetëm qëllimin afatshkurtër. Do të ikë Rama e bëhesh kryeministër. Nëse Rama ka diçka që nuk shkon e duhet ndryshim, në rregull. Por nuk është tani koha. Po bëhesh kukull e Putinit. Po luan në favorin e tij duke bërë atë protestë”.
Një tjetër deklaratë kjo që nge dyshime se Mark Thomas Rossini ka folur për llogari të kryeministrit Edi Rama.
Nga akt-akuza e autoriteteve gjyqësore në Uashington del po ashtu se McGonigal ka iniciuar te autoritetet në SHBA çështjen ndaj Nick Muzin lidhur me lobimin për PD-në.
Sipas hetimeve, Charles McGonigal ka marrë të paktën 125 mijë dollarë nga Agron Neza, që në akt-akuzë, autoritetet i referohen si “Personi A”. Referuar dosjes, edhe ai del me lidhje të forta me kryeministrin Edi Rama dhe është pikërisht personi që ka paguar për shpenzimet e një udhëtimi të McGonigal në Shqipëri.
