Zhvillimi i fundit ka qenë vendimi i Prokurorisë së Tiranës, pasi ka bërë me dije se do të hapë hetimet në lidhje me ngjarjen e 21 janarit 2011 ku në protestën që është zhvilluar në bulevardin Dëshmorët e Kombit janë vrarë 4 persona të cilëve nuk i është gjetur autori akoma. Një provë e re është një audio që qarkullon në media e cila është e traskriptuar.
Në studion e FaxNews ka qenë Shemsi Prençi, ish drejtues i lartë në Policinë e Shtetit i cili do të tregoj qëndrimin e tij në lidhje me këtë ngjarje.
Prençi është shprehur se drejtësia funksionon vetëm në anën e atyre që kanë interes qeveritarët, duke përmendur rastin e inceneratorëve ku kryeministri shmang përgjegjësinë duke thënë se është individuale për secilin nga ata që ka emëruar në kabinetin e tij. Por nga ana tjetër ngjarjen e 21 janarit ja faturon ish-kryeministrit e ish-ministrit të Brendshëm të asaj kohe.
“Prokuroria ka thënë do të bëjmë verifikimet. Prokuroria kështu do të shprehet pasi politika në pushtet nëpërmjet një gazetari investigative ka hedhur ne qarkullim një material audio duke pretenduar se implikon pushtetarë në ngjarjen e 21 janarit. Në aspektin politik për mua është një shashk në prag të fillimit të zgjedhjeve. E kanë hedhur të zjejë në kazanin e politikës në pushtet. Në aspektin juridik as Prokuroria e as Gjykata nuk janë shprehur se kemi të bëjmë me një provë të re.
Kryeministri i sotëm thot se ata që hanë pas krahëve të mi me inceneratorët ta pastrojnë vetë llumin dhe përgjegjësia eshtë individuale, ndërsa për ngjarjen e 21 janarit thotë që ja ka përdorur armët kryeministri i asaj kohë, Sali Berisha.
Njeriu më i implikuar dhe më bastardi në aspektin e prononcimit me audiot është Ministri i Drejtësisë. Bastardizimi i treguar live me zë dhe figurë nga ministri në dosjen 184 nga manipulimi dhe blerjes së zgjedhjeve në Dibër, duke i veshur dibranëve turpin duke thënë se shiten e blihen, e duke i premtuar detyra më të larta drejtuesve të policisë, tregon sa e njëanshme është kjo drejtësi.
Unë dua të jetë e njëjtë drejtësia për të gjithë jo vetëm për partinë. Ndryshe sillet qeverua me 21 janarin, ndryshe me ekzekutimin nga dora e punonjësve të shtetit të Klodian Rashës. Drejtësia nuk ka indicie për të shtyrë hetimet për ngjarjet e rënda që kanë ndodhur.
Në ngjarje elektorale marrin tufa me karafila e trëndafila, ministrat e kryeministri por nuk janë kujtuar për 10 vite”, tha ndër të tjera Prençi.
