Moti i keq vazhdon të mbajë të “mbërthyer” pjesën më të madhe të territorit të vendit, duke shkaktuar problematika në zona të caktuara. Me Shkodrën që po përjeton përmbytjen e tretë në thuajse një muaj, edhe situata në qarkun e Lezhës paraqitet e nderë.
Në raportin e ditës sotme, mësohet se në Lezhë vazhdojnë të jenë nën ujë gati 350 hektarë tokë, ndërsa kuota e lumit Drin paraqitet kritike.
Në Mirditë nuk raportohen probleme, ndërsa reshjet e shiut kanë qenë me intensitet të ulët.
Situata në Lezhë:
Në territori i Qarkut Lezhë n ka patur reshje shiu me intensitet të ulët, ku deri në mëngjes kanë rënë rreth 10 mm shi.
Kuota e lumit Drin është në nivelin +0.5 m, nga +2.0 m që është kuota kritike, (kuotë e cila është shumë afër normales, kurse kuota e lumit Mat vazhdon të ketë gjendje të ngritur duke shkuar tek normalja, për shkak të shkarkimeve të H/C Ulëz e Shkopet, 220 m³/s, kurse nga Diga Qafë Mollë e H/C mbi lumin Fan është rreth 39 m³/s, por pa krijuar probleme.
Hidrovoret janë në gatishmëri dhe po punojnë me kapacitet të plotë.
Hidrovori Balldre – kuota -1.8 m (-1.5 m ) kuota kritike.
Hidorvori Tale – kuota – 0.15 m nga (- 1.0 m) kuota kritike.
Hidrovori Shllinza – kuota -1.2 m nga (– 0.5 m) kuota kritike.
Hidrovoret e tjerë punojnë për ruajtjen e kuotave, sipas rastit.
Sakaq, nga strukturat e MC të bashkisë Kurbin raportohet se në ish kënetën Gjonëm vazhdon të kemi rreth 100 ha tokë të përmbytur.
Nga strukturat e MC të bashkisë Lezhë, raportohet se në ish kënetën e Torovicës, njësia administrative Balldren, vazhdon të kemi të përmbytur aktualisht rreth 150 ha tokë.
Në njësinë administrative Zejmen vazhdon të kemi rreth 100 ha tokë bujqësore të përmbytur në ish kënetën Spiten–Tresh.
Në total si qark në Lezhë janë rreth 350 ha tokë bujqësore të përmbytura. (100 ha bashkia Kurbin dhe 250 bashkia Lezhë).
Nga strukturat e MC të bashkisë Mirditë, raportohet situatë e qetë dhe reshjet e shiut janë me intensitet të ulët, ndërsa nuk ka akse rrugore të bllokuara.
Gjendja e digave të ujëmbledhëseve është nën monitorim të vazhdueshëm nga strukturat e MC të bashkive dhe deri tani nuk raportohen probleme.
