Kandidati i opozitës në zgjedhjet e 14 majit për kryeqytetin, Belind Këlliçi ka komentuar gjendjen aktuale të rrugëve të Tiranës, pas reshjeve të dendura gjatë mbrëmjes së kaluar.
Përmes një postimi në rrjetin e tij social fb, Këlliçi ka publikuar një video nga Rr. ‘Kongresi i Manastirit’, e cila gërryhet nga vërshimet e ujërave.
“Ky është rezultati i shqepjeve të UKT-së që bashkia i quan punime dhe i fotografon si suksese historike”,– shkruan Këlliçi në Facebook.
Postimi i plotë:
Rrugët janë paguar me flori nga shqiptarët. Edhe ato pak që i kemi të sakta na gërryhen nga vërshimet e ujërave.
Ndodhem në Rr. “Kongresi i Manastirit”. Ky është rezultati i shqepjeve të UKT-së që bashkia i quan punime dhe i fotografon si suksese historike.
Tirana nuk administrohet. Tirana vidhet.
Ne duhet ta ndryshojmë Tiranën! T’i japim të gjithë një mundësi vetes të jetojmë në një qytet normal, ku punën e kryebashkiakut ta shikoni në rrugët dhe lagjet tuaja e jo në fotografi të retushuara.
