Duke folur në emisionin “Open”, Lubonja u shpreh se loja për qytetin e Shkodrës është e hapur sidomos pas largimit të Agron Çelës nga Partia e Lirisë dhe bashkimin me PS.
Ai gjithashtu deklaroi se kryeministri Rama i ka mbledhur të gjithë oligarkët rreth tij të gjithë duke dëmtuar edhe më shumë hapësirat demokratike në Shqipëri.
“Rama si Putini, ku një parti socialiste e cila është parti oligarke, një pallat një votë. Ajo që ka bërë Rama që ka dëmtuar edhe më shumë hapësirat demokratike në Shqipëri është që i ka kapur të gjithë oligarkët, ndryshe nga Berisha që kishte pak skrupuj, Rama i mblodhi të gjithë në partinë e tij.
Socialistët e braktisën Shkodrën se ishte bastion i djathtë. PS ka shanse në Shkodër, gjithsesi nëse PD do ishte bashkuar do ishte e hapur loja falë braktisjes së Shkodrës. Është në lojë Shkodra. Në një vend normal demokratik, Shkodra duhet të kishte ikur nga PD dhe mbase ti ishte kthyer sërish. – tha ai.
