Ish-kryebashkiaku i Kavajës Elvis Roshi është paraqitur këtë të Enjte në Prokurorinë e Posaçme Kundër Krimit dhe Korrupsionit.
Roshi mësohet se ka patur një fletë-thirrje nga Byroja Kombëtare e Hetimit, por ende nuk dihet se për cilën çështje ai ka shkuar në Prokurorinë e Posaçme.
Roshi ka mbajtur postin e kryebashkikaut të Kavajës, por u shkarkua në kuadër të ligjit të dekriminalizimit në fund të 2016-ës.
Elvis Rroshi, kryebashkiak i Kavajës që nga 2011, rezultoi se pati gënjyer në formularin e tij të dekriminalizimit duke mos raportuar një dënim për përdhunim në grup të marrë në Itali si dhe një rast të lidhur me trafikun e drogës në Zvicër.
Për rastin u çel dhe një hetim penal nga prokuroria, që përfundoi në një dënim 60 orë punë në interes të publikut.
Në vitin 2015, Rroshi u kallëzua në Prokurori nga Kontrolli i Lartë i Shtetit për shkelje ligjore me prokurimet e fondeve publike.
