Një person është arrestuar ditën e sotme në Berat, ndërsa një tjetër është shpallur në kërkim pasi akuzohen se janë autorë të disa vjedhjeve të ndodhur gjatë vitit 2022.
Në prangat e policisë ka rënë shtetasi Ringers Nurja dhe është shpallur në kërkim, Marko Muçaj, ndërsa në cilësinë e provës materiale u janë sekuestruar disa bizhuteri të vjedhura nëpër banesa.
“Në prangat e policisë ka rënë 27-vjeçari Rigers Nurja, i dënuar edhe 3 herë më parë për vjedhje, ndërkohë që është shpallur në kërkim bashkëpunëtori i tij Marko Muçaj,38-vjeç,të dy banues në lagjen “Uznovē” në Berat.
Këta shtetas,janë autorë të vjedhjes së 10-banesave,2 dyqaneve,1 magazineje dhe Zyrën Postare nr.2 në Berat në 24 Nëntor 2022,ku vodhën një shumë parash që ndodheshin në kasë, pas shqyerjes së derës kryesore të zyrës postare. Nga hetimet e kryera nga policia ka rezultuar se këta shtetas,gjatë vitit 2022,kanë vjedhur shuma të mëdha parash, sende me vlerë dhe vegla pune në disa banesa dhe subjekte në zona të ndryshme të rrethit të Beratit”,- thuhet ndër të tjera në njoftimin e policisë.
Ndërkohë materialet në ngarkim të 27-vjeçarit Rigers Nurja dhe 38-vjeçarit Marko Muçaj i janë përcjellë Prokurorisë pranë Gjykatës së Rrethit Gjyqësor Berat, për veprime të mëtejshme proçedurale.
