18 persona kanë humbur jetën pasi një avion u rrëzua mbi një kopsht fëmijësh në Brovary në Ukrainë dhe më pas në një godinë banimi.
9 nga viktimat janë anëtarët në bordin e avionit, mes tyre ministri i Punëve të Brendshme, Denis Monastyrsky, zëvendësi i tij dhe sekretari i shtetit.
Ndërkohë viktimat e tjera janë banorë vendas që po dërgonin fëmijët në kopshtin ku u aksidentua helikopteri, tha Kyrylo Tymoshenko. Mes të vdekurve raportohen edhe 3 fëmijë, të cilët nuk dihet nëse ishin në kopsht apo në rrugë.
“Aktualisht nuk ka asnjë informacion për numrin e fëmijëve të zhdukur”, tha Oleksiy Kuleba për gazetarët në vendin ku ndodhi tragjedia.
“Po bëhet identifikimi i viktimave, prindërit kanë mbërritur, po përpilohen listat”, shtoi ai.
Zyrtarët thonë se helikopteri – modeli DSNS ES-225 – u rrëzua në orën lokale 08:20 dhe ndërtesa e Shërbimit Kombëtar të Emergjencave u dëmtua pasi mjeti fluturues shpërtheu në flakë.
“Në bord ishin nëntë persona: 6 anëtarë të ekipit operativ të Ministrisë së Punëve të Brendshme, përfshirë Ministrin, si dhe tre anëtarë të ekuipazhit të Shërbimit Shtetëror të Emergjencave”, thuhet në një deklaratë.
Në deklaratë thuhet se 25 persona janë plagosur, 15 të rritur dhe 10 fëmijë.
