Banori i “Big Brother VIP Kosova”, Gjon Karrica, i njohur si Lugati, është dërguar mëngjesin e sotëm në spital.
Bëhet e ditur se Karrica ka pësuar një lloj krize epileptike sot rreth orës 08:30 të mëngjesit, burimet nga QKUK tregojnët se Karrica është jashtë rrezikut për jetën.
Shëndeti i tij është përkeqsuar pak çaste pasi është zgjuar nga gjumi. Teksa kishte pirë kafe dhe më pas nisi të lante enët, këngëtari ka humbur ndjenjat.
“Gjendja e tij ka qenë shumë e rëndë. Tani është në reanimacion dhe në gjendje më stabile” ka thënë një burim për gjendjen e “Lugatit”.
Për shëndetin e Gjon Karricës, Big Brother ka dhënë gjithashtu një dekaratë: “Banori i Big Brother VIP Kosova, Gjon Karrica, i njohur si Lugati, sot në mëngjes ka pasur një shqetësim shëndetësor, për të cilin menjëherë i është ofruar ndihma profesionale mjekësore dhe tash është në gjendje stabile.
Karrica, vazhdon të jetë nën mbikëqyrje të mjekëve dhe momentalisht nuk ka shqetësime. Klan Kosova do të vazhdojë ta njoftojë zyrtarisht opinionin për gjendjen shëndetësore të banorit të shtëpisë së Big Brother Vip Kosova”.
