Mister fati i Mateo Likës, rinisin kërkimet për 26 vjeçarin |

Lexo edhe:

Masakra në Shkodër/ Vijojnë kontrollet, ja zonat ku zbarkuan RENEA dhe FNSH

Ngjarja në Shkodër/ RENEA ka hyrë në Dobraç, kontrolle edhe në zonën e Bajrave

Mbetet ende mister fati i 26-vjeçarit, Mateo Lika, i cili dyshohet se ra nga ura e Mbrostarit në Fier teksa po kthehej nga Gjermania me makinë, 4 ditë më parë.

Palombarët e RENEA-s kanë rinisur sërish kërkimet mëngjesin e sotëm, ndërsa e vetmja provë që mjeti mund të ketë rënë në lumë, është targa e mbetur në parmakët e Urës së Mbrostarit.

Ndërkohë policia dhe prokuroria, kanë nisur hetime mbi ngjarjen e rëndë, ndërsa mësohet se në vendin ku po kryhen kërkimet, ndodhen edhe familjarë të 26 vjeçarit

Si ndodhi ngjarja?

Mateo Lika, 26 vjeç, dyshohet se teksa po kthehej nga Gjermania, është përplasur me parmakët e Urës së Mbrostarit dhe më pas ka rënë në lumin e Semanit.

Duke qenë se nuk ka patur asnjë denoncim për persona të tjerë të zhdukur, mendohet se 26 vjeçari ka qenë i vetëm në makinë. Që prej katër ditësh, Mateo Lika nuk përgjigjet në telefon edhe pse familjarët e tij kanë tentuar ta kontaktojnë.

Ndërkohë, kërkimet për gjetjen e tij vështirësohen pasi makina që kishte marrë me qera nuk ishte e pajisur me GPS dhe kamerat e sigurisë nuk kanë një pamje të qartë të lëvizjes së të riut.

Deri më tani, është gjetur vetëm targa e automjetit të marrë me qera.

Policia ka marrë në pyetje të afërmit e Mateo Likës për të mësuar lëvizjet e tij para se të zhdukej.