Policia e Durrësit ka vënë në pranga dy të rinj. M. C., 20 vjeç, u kap me lëndë narkotike në makinë, ndërsa A.H., 26 vjeç, iu gjetën në makinë një përforcuese grushti dhe një shkop metalik, si ata të Policisë.
“Specialistët për Hetimin e Trafiqeve të Paligjshme dhe Narkotikëve të DVP Durrës arrestuan në flagrancë shtetasin M. C., 20 vjeç, banues në lagjen nr. 17, pasi gjatë kontrollit në automjetin që drejtonte 20-vjeçari, shërbimet e Policisë gjetën dhe sekuestruan një sasi të vogël lënde të dyshuar lëndë narkotike kanabis.
Specialistët për Hetimin e Krimeve të Komisariatit të Policisë Durrës arrestuan në flagrancë shtetasin A. H., 26 vjeç, banues në Durrës, pasi gjatë kontrollit në automjetin që drejtonte 26-vjeçari, shërbimet e Policisë gjetën dhe sekuestruan një përforcuese grushti dhe një shkop metalik, si ata të Policisë.”– njofton policia.
Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
