Këshilli i Emërimeve në Drejtësi (KED), i zgjedhur për të ushtruar veprimtarinë e tij kushtetuese përgjatë vitit 2023, zhvilloi mbledhjen e tij të parë, sot në orën 13.00.
Mbledhja kishte këtë rend dite:
- Kostituimi i Këshillit të Emërimeve në Drejtësi, me përbërjen e zgjedhur për të ushtruar funksionet dhe përgjegjësitë kushtetuese dhe ligjore për vitin kalendarik 2022.
- Njohja me Raporti e Vlerësimit të Veprimtraisë së KED 2022
- Diskutim mbi objektivat e veprimtarisë së Këshillit të Emërimeve në Drejtësi 2023.
Në fillim të mbledhjes së KED,në lidhje me pikën e parë të rendit të ditës, u realizua kostituimi i Këshillit të Emërimeve në Drejtësi, i zgjedhur me short nga Presidenti i Republikës, në datën 05.12.2022, me këtë përbërje:
1. Z. Altin Binaj nga Gjykata Kushtetuese
2. Znj. Fiona Papajorgji nga Gjykata Kushtetuese
3. Z. Sandër Simoni nga Gjykata e Lartë
4. Z. Arqile Koca nga Prokuroria e Përgjithshme
5. Z. Fuat Vjerdha nga Gjykatat e Apelit
6. Z. Engert Pëllumbi nga Gjykatat e Apelit
7. Znj. Arta Marku nga Zyrat e Prokurive pranë Gjykatave të Apelit
8. Z. Gjon Fusha nga Zyrat e Prokurorive pranë Gjykatave të Apelit
9. Znj. Enerjeta Shehaj (Denaj) nga Gjykatat Administrative
Si dhe anëtarët zëvendësues të Këshillit të Emërimeve në Drejtësi të zgjedhur me short, sipas të njëjtës procedurë:
1. Znj. Vitore Tusha nga Gjykata Kushtetuese
2. Znj. Albana Boksi nga Gjykata e Lartë
3. Znj. Alma Muca nga Prokuroria e Përgjitshshme
4. Z. Genti Shala nga Gjykatat e Apelit
5. Z. Moisi Duda nga Zyrat e Prokurorive pranë Gjykatave të Apelit
6. Z. Elda Vrioni nga Gjykatat Administrative.
Mbledhja u drejtua nga Kryetari i Këshillit të Emërimeve në Drejtësi Sandër Simoni.
Në mbledhjen e sotme morën pjesë anëtarët e përhershëm dhe ata zëvendësues të Këshillit të Emërimeve në Drejtësi për vitin 2023. Gjishashtu morën pjesë Avokati i Popullit, Znj. Erinda Ballanca, nga Komisioni për Çështjet Ligjore, Administratën Publike dhe të Drejtat e Njeriut, ishin present znj. Klotilda Bushka dhe Znj. Dhurata Tylli ne cilesine e kryetares dhe nënkryetares së Komisionit Për Çështjet Ligjore Administratën Publike dhe të Drejtat e Njeriut. Gjithashtu morën pjese përfaqësues të Ambasadës së Shteteve të Bashkuara të Amerikës dhe të Delegacionit të Bashkimit Europian
Pas konstituimit, anëtarët e KED dhe të ftuarit u njohën me Raportin e Vlerësimit të Veprimtarisë së KED për vitin 2022 ndërsa nga ana e Kryetarit të Ked z. Sandër Simoni, u prezantuan objektivat e veprimtarisë për vitin 2023. Në këtë prezantim u theksua vijimi i misionit të KED me qëllim ushtrimin e përgjegjësive kushtetuese e ligjore për garantimin e një procesi të drejtë vlerësimi të kandidaturave për vendet vakante në Gjykatën Kushtetuese.
U theksua nevoja që Këshilli do vijojë veprimtarinë e tij bazuar në parimin e funksionalitetit dhe luajalitetit institucional e bashkëpunimit me institicionet kushtetuese si edhe vazhdimësisë për përmbushjen e qëllimit për të cilin është krijuar, për një process të drejtë e objektiv në vlerësimin e kandidaturave për vendet vakante në Gjykatën Kushteteuse dhe Inspektoriatin e Lartë të Drejtësisë.
Mbledhja ra dakord për nevojën e një analize të plotë të të gjithë procesit të funksionimit të Këshillit të Emërimeve në Drejtësi si dhe të gjithë akteve normative të deritasnishme, miratimin e akteve nënligjore normative të nevojshme për funksionimin e KED dhe akteve të tjera rregullatorë të brendshme për organizmin dhe funksionimin e e tij, të cilat janë deleguar për ti nxjerrë në bazë të ligjit, si dhe rishikimi i bazës rregullative/normative të KED në funksion të veprimtarisë kryesore që është verefikimi, pikëzimi renditja e kandidatëve, bashkëveprimit dhe koordinimit me institucionet ligjzbatuese në procesin e verifikimit të kandidatëve, qëllimin e garantimit të një procesi të drejtë e objektiv të vlerësimit të kandidatëve si dhe përmirësimin e insfrastrukturës strukturore, logjistike, financiare, burimet njerëzore në mbështeteje të veprimtarisë së KED.
