Ndihen sërish lëkundje tërmeti në kryeqytet, ndërsa epiqendra medohet të ketë qenë sërish në zonën e Klosit.
Tërmeti ka qenë i magnitudës 3.7 ballë të shkallës Rihter, në një distancë prej 9 kilometra nga Bulqiza dhe 30 kilometra nga Tirana, në një thellësi prej 2 kilometrash.
Lëkundjet e tërmetit kanë zgjatur disa sekonda, por kanë qenë me intensitet më të vogël se dy tërmetet e regjistruara dje rreth orës 22:30 të mbrëmjes me magnitudë 4.7 dhe 4.1 të shkallës rihter. Lëkundjet gjatë ditës së sotme konsiderohen si pasgoditje, me magnitudë të vogël.
