Atalanta ka shpërfytyruar Salernitanën në ndeshjen e javës së 18-të të Serie A, teksa e ka mundur me shifrat 8-2. Boga realizoi pas 5 minutash lojë, ndërsa shumë shpejt mysafirët u kundërpërgjigjën me Dia. Në pjesën e parë, bergamaskët do “tundnin rrjetën” edhe katër herë, me Lookman, Scalvini, Koopmeiners dhe Hojlund.
Të besuarit e Gasperinit nuk do ndaleshin, pasi në fraksionin e dytë erdhën golat e Lookman, Zortea e Ederson. Salernitana shënoi edhe një gol tjetër me Caviglia por do vlente vetëm për statistikë. Lojtari shqiptar, Berat Gjimshiti e nisi nga stoli këtë takim.
